“စျေးကွက်တင်ပြီး ရောင်းချနိုင်ဖို့ အပြိုင်အဆိုင် ကြိုးစားနေတဲ့ အောင်မြင်လုဆဲဆဲ ကိုဗစ်ကာကွယ်ဆေး (၁၁) မျိုး အကြောင်း”

ကိုဗစ်ကာကွယ်ဆေးတွေမှာ နောက်ဆုံးပန်းဝင်လာနိုင်သူတွေကို တန်းစီကြည့်ပါမယ်။ စုစုပေါင်း ကာကွယ်ဆေး (၁၁) တောင်မျိုးရှိပါတယ်။

ပန်းဝင်ပြီး တစ်ကမ္ဘာလုံးလက်ခံဖို့ အောက်ပါအဖွဲ့အစည်းတွေထဲက အနည်းဆုံးတစ်ဖွဲ့ရဲ့ အသိအမှတ်ပြုမှုကို လိုအပ်ပါတယ်။

?? အမေရိကန်က FDA

?? ဥရောပသမဂ္ဂရဲ့ EMA

?? ယူကေနိုင်ငံရဲ့ MHRA

?? WHO

အဲ့လို #အသိအမှတ်ပြုရဖို့က …

▪️ကာကွယ်ဆေးရဲ့အန္တရာယ်ကင်းမှု၊

▪️အာနိသင်ထိရောက်မှုတို့အပြင်၊

▪️ထုတ်သမျှအလုံးတိုင်းမှာ အရည်အသွေးတူညီဖို့၊

▪️ထုတ်လုပ်ရာမှာ သန့်ရှင်းမှု (strict sterilization နဲ့ hygiene standards) တွေ လိုအပ်ပါတယ်။

နောက်ဆုံး FDA ရဲ့အသိအမှတ်ပြုရဖို့တအားနီးကပ်နေတာက ….

(၁) Pfizer/BioNTech

FDA တင်ထားပြီးပြီ။ ဒီဇင်ဘာလလယ်မှာကျနိုင်တယ်။

(၂) Moderna

FDA တင်တော့မယ်။ ဒီဇင်ဘာလလယ်မှာကျနိုင်တယ်။

သူတို့နှစ်မျိုးက RNA နည်းပညာနဲ့ထုတ်ထားတာ။

Non-replicating viral-vector ကာကွယ်ဆေးမျိုးတွေက (၄) မျိုးရှိတယ်။

(၃) Oxford/AstraZeneca

သူနဲ့မျိုးတူတွေထဲမှာ စိတ်အချရဆုံးနဲ့အန္တရာယ်အကင်းဆုံး ကာကွယ်ဆေးဖြစ်တယ်။

ခရစ်စမတ်မတိုင်ခင် EMA နဲ့ MHRA ကျနိုင်တယ်။ တတိယပန်းဝင်နိုင်တဲ့သူဖြစ်တယ်။

(၄) Johnson & Johnson

တစ်လုံးပဲထိုးဖို့လိုတဲ့အမျိုးက စက်တင်ဘာလထဲမှာ Phase 3 စစမ်းသပ်ထားတယ်။

သူလည်းပန်းဝင်ကာနီးနေပြီ။

နှစ်လုံးထိုးရတဲ့ နောက်တစ်မျိုးကို နိုဝင်ဘာလ ၁၆ ရက်နေ့မှာစထားတယ်။ အဲ့ဒါကတော့ နောက်နှစ်ဆန်းထဲမှာမှ ပန်းဝင်မယ်။

(၅) ?? တရုတ် CanSino က တရုတ်မှာပထမဆုံး အစိုးရက စစ်တပ်သုံးအဖြစ်ခွင့်ပြုပေးခဲ့တဲ့ ကုမ္ပဏီဖြစ်တယ်။

တကယ်လို့ အထက်ပါအဖွဲ့အစည်းတစ်ခုခုက လက်ခံနိုင်ခဲ့ရင် သူက နံပါတ်(၅)လောက်မှာ ပန်းဝင်လာမယ်။

? CanSino ရဲ့ ကာကွယ်ဆေးဟာ ရိုးရိုးတုပ်ကွေးဗိုင်းရပ်စ်ကိုသုံးထားလို့ အာနိသင်ထိရောက်မှုကို #သံသယရှိနေကြတယ်။

(၆) ?? ရုရှားရဲ့ Gamaleya က သူ့ဟာသူတော့ ၉၂% ထိရောက်တယ်ကြေညာထားပေမယ့် Phase 3 ရလဒ်ကို လူသိရှင်ကြားသေချာချပြဖို့လိုတယ်။

အဲ့လိုချပြလို့ လက်ခံနိုင်ရင်တော့ နံပါတ် (၆) နေရာမှာပန်းဝင်လာနိုင်တယ်။

နောက်ထပ် (၄) မျိုးက Inactivated virus ကာကွယ်ဆေးမျိုးတွေဖြစ်တယ်။

Inactivated virus ? ဟာ ကာကွယ်ဆေးထုတ်လုပ်ရေးအပိုင်းမှာ သေသေချာချာကိုဂရုစိုက်ဖို့လိုတယ်။

(၇) ?? တရုတ် SinoVac ရဲ့ကာကွယ်ဆေးဟာ နောက်လထဲမှာ Phase 3 ရလဒ်ကိုထုတ်ပေးနိုင်မယ်ပြောနေတယ်။

တကယ်လို့ အထက်ပါအဖွဲ့အစည်းတစ်ခုခုက လက်ခံနိုင်ခဲ့ရင် သူက နံပါတ်(၅)/(၆)/(၇) တစ်နေရာရာလောက်မှာ ပန်းဝင်လာမယ်။

(၈) (၉) ?? Sinopham ရဲ့ကာကွယ်ဆေးကလည်း တရုတ်မှာ လူတစ်သန်းနီးပါးလောက်ကိုထိုးပေးထားတယ်ကြားတယ်။

Phase 3 ရလဒ်အပြည့်အစုံမထွက်သေးပဲနဲ့ ချနေတာ။

တကယ်လို့ အထက်ပါအဖွဲ့အစည်းတစ်ခုခုက လက်ခံနိုင်ခဲ့ရင် သူက နံပါတ်(၅)/(၆)/(၇)/(၈) တစ်နေရာရာလောက်မှာ ပန်းဝင်လာမယ်။

?? Sinopham က Beijing Institute နဲ့ တစ်မျိုးထုတ်ပြီးတော့ Wuhan Institute နဲ့လည်း တစ်မျိုးထုတ်ကာ နှစ်သီးစားဖို့လုပ်ထားတယ်။

(၁၀) Bharat Biotech က အိန္ဒိယကကာကွယ်ဆေးကလည်း Phase 3 စမ်းသပ်နေပြီမို့ နံပါတ် (၁၀) လောက်မှာ ပန်းဝင်လာနိုင်တယ်။

?? အိန္ဒိယရဲ့ ဂုဏ်ယူဖွယ်ကာကွယ်ဆေးတစ်ခုဖြစ်လာနိုင်တယ်။

(၁၁) မျိုးမတူလို့နောက်ဆုံးမှာရေးထားပေမယ့် နံပါတ် (၄)/(၅) လောက်မှာပန်းဝင်လာနိုင်တာက Novavax ဆိုတဲ့ ?? အမေရိကန်ကုမ္ပဏီရဲ့ကာကွယ်ဆေး။

သူက စက်တင်ဘာ ၂၃ ကတည်းက Phase 3 စတင်ခဲ့တာဆိုတော့ ၂၀၂၁ နှစ်ဆန်းမှာ ပန်းဝင်နိုင်တယ်။

သူက Protein subunit ဆိုတဲ့ ပရိုတိန်းကိုအခြေခံတဲ့ကာကွယ်ဆေး။

အခုဆိုရင် နောက်ဆုံးအဆင့်မှာ ပန်းဝင်ဖို့ကပ်နေတဲ့ ကာကွယ်ဆေး (၁၁) မျိုးတောင်ရှိတယ်ဆိုတာ သိထားကြဖို့ တင်ပြပေးလိုက်ပါတယ်။

ဒီကာကွယ်ဆေးတွေနဲ့အတူ အထိရောက်ရောက်ဆုံးကာကွယ်ဆေးတစ်ခုအဖြစ် #တွဲပြီးတစ်နှစ်လောက်ကျင့်သုံးနေရမှာက Mask ? တပ်ခြင်း၊ လက်ကိုသေသေချာချာဆေးခြင်းနဲ့ ခပ်ခွာခွာနေခြင်းတို့ဖြစ်ပါကြောင်း။

Time magazine ကယူရေးတယ်ထင်ပြီး credit: Time magazine လုပ်ချနေအုံးမယ်။ ကိုယ်တွေက အစုံလိုက်ဖတ်ပြီးစုရေးတာ။ ပုံသာ Times ကနေ ခေါင်းစဉ်နဲ့ကိုက်လို့ယူထားတာ။

အရင်ရက်ကလည်း ကိုယ့်သတင်းကိုကူးပြီး Source: Financial Times လို့ ခပ်တည်တည်လုပ်ချနေတာတွေလည်း တွေ့နေရလို့ပြောရတာ။

Richard Myo Thant

22-November-2020

(စာကိုကူးယူသူများ Page လင့်လေးပါထည့်သွင်းကူးယူပေးဖို့ မေတ္တာရပ်ခံပါတယ်။)