News

“မိန်းမယူပြီး လေးနှစ်အကြာမှာ ယောက်ျားထပ်ယူတဲ့ ဆရာဝန် ဖမ်းဆီးခံလိုက်ရပြီ”

ရန်ကုန်၊ ဇွန် ၁၃

၂၀၁၈ ခုနှစ်မှာ မိန်းမတစ်ယောက်နဲ့ လက်ထပ်ပြီးတဲ့နောက် ၂၀၂၂ ခုနှစ်မှာ ယောက်ျားတစ်ယောက် ထပ်ယူခဲ့တဲ့ ဆရာဝန်ဆိုသူရဲ့ အဖြစ်အပျက်ဟာ အခုရက်ပိုင်းအတွင်း လူမှုကွန်ရက်မှာ လူပြောများတဲ့ အကြောင်းအရာတစ်ခုဖြစ်ခဲ့ပါတယ်။

အမျိုးသားတစ်ယောက်နဲ့ လက်ထပ်ခဲ့တဲ့ ဒေါက်တာမင်းသစ်နိုင်ဟာ ဆရာဝန်အတုသာဖြစ်တယ်လို့ စစ်ဆေးတွေ့ရှိပြီးတဲ့နောက် သက်ဆိုင်ရာတာဝန်ရှိသူတွေက ဒီကနေ့မှာ ဖမ်းဆီးထိန်းသိမ်းလိုက်တာလို့ သိရပါတယ်။

ဒေါက်တာမင်းသစ်နိုင် ဆိုသူဟာ ဆရာဝန်တစ်ယောက်မဟုတ်ဘဲ တက္ကသိုလ်ဝင်တန်းအောင်မြင်ထားတဲ့အဆင့်သာရှိတဲ့သူဖြစ်ပြီးတော့ ဆရာဝန်လို့ လိမ်ညာထားသူသာဖြစ်တယ်လို့ မော်လမြိုင်မြို့ခံတစ်ဦးက ပြောပြပါတယ်။

အဲ့ဒီ ဒေါက်တာမင်းသစ်နိုင်ဆိုသူဟာ အမျိုးသားတစ်ဦးနဲ့ ပြီးခဲ့တဲ့ ဇွန်လဆန်းပိုင်းက လက်ထပ်မင်္ဂလာပွဲ ပြုလုပ်ခဲ့တာဖြစ်ပြီး သူတို့ရဲ့ မင်္ဂလာပွဲဟာ လူမှုကွန်ရက်မှာ လူပြောများတဲ့ အကြောင်းအရာဖြစ်ခဲ့ပါတယ်။

မင်္ဂလာဖိတ်စာမှာ ထည့်သွင်းရေးသားထားတဲ့ဖော်ပြချက်အရ ဒေါက်တာ မင်းသစ်နိုင်ရဲ့မော်လမြိုင်မြို့က နေအိမ်ဟာ မြိုင်သာယာတိုးချဲ့ရပ်ကွက်ထဲမှာ တည်ရှိတယ်လို့ သိရပါတယ်။

#Mercury_Media

#Mercury_Local_News

#ဆရာဝန်အတု