News

“သေ့ဘောဘိုးစခန်းသိမ်း‌အောင်ပွဲပြန် တပ်ဖွဲ့ဝင်များကို ပြည်သူများဂုဏ်ပြုကြိုဆိုကြတဲ့ မြင်ကွင်းများ”

မေ ၂၄၊ ၂၀၂၂

သေ့ဘော့ဘိုး စခန်းသိမ်းအောင်ပွဲအနေနဲ့ ကော်ဘရာစစ်ကြောင်းနဲ့ ဗိုလ်အယ်ဆေးဝါးဦးဆောင်တဲ့ KNDO တပ်ဖွဲ့ဝင်တွေ၊ ပူးပေါင်းတပ်ဖွဲ့တွေကို ဒေသခံပြည်သူလူထုက ဒီနေ့မေ(၂၄)ရက် မနက်ပိုင်းမှာ သောင်းသောင်းဖျဖျ ကြိုဆိုခဲ့ကြပါတယ်။

ကော်ဘရာစစ်ကြောင်းက တပ်ဖွဲ့ဝင်ကိုမျိုးသူရကိုကိုက “စစ်သားဘဝအပျော်ဆိုတာ ပြည် သူ့မေတ္တာပါ။ မေတ္တာဖြင့်လုံခြုံနွေးထွေးပါတယ်” ဆိုပြီး ပြည်သူတွေပန်းကုံးတွေနဲ့ကြိုဆို ဂုဏ်ပြုပုံ တွေနဲ့အတူ သူ့ရဲ့လူမှုကွန်ရက် F‌acebook မှာရေးသားထားပါတယ်။

မြဝတီ-ဝေါ်လေ ကားလမ်းနံဘေးက သေ့ဘော့ဘိုးရွာအနီးရှိ စစ်ကောင်စီရဲ့ သေ့ဘော့ဘိုးတပ်စခန်းကို ကရင်အမျိုးသားလွတ်မြောက်ရေးတပ်မတော် (KNLA)တပ်မဟာ(၆)လက် အောက်ခံတပ်ရင်း (၂၇)၊

တပ်ခွဲ(၂)က ဒုခွဲမှူး ဗိုလ်ဒါ့ဘော(လက်ရှိ Cobraစစ်ကြောင်းရဲ့ စစ်ကြောင်းမှူး)နဲ့ ကရင်အမျိုးသားကာ ကွယ်ရေးတပ်ဖွဲ့ (KNDO)က ဗိုလ်အယ်စေးဝါး တို့က မေ(၁၈)ရက်မနက်ပိုင်းမှာ ဦးဆောင်တိုက် ခိုက်ခဲ့ပြီး ညနေပိုင်းမှာစခန်းကို သိမ်းယူနိုင်ခဲ့တာဖြစ်ပါတယ်။

စခန်းသိမ်းတိုက်ပွဲမှာ စစ်ကောင်စီတပ်သား(၅)ဦးသေဆုံးခဲ့ပြီး (၇)ဦးကိုအရှင်ဖမ်းမိခဲ့ကာ လက်နက်ခဲ ယမ်းအများအပြားလည်းသိမ်းဆည်းရမိခဲ့ပါတယ်။

Photos-Cobra Column