News

“မြို့နယ်ထဲကို မြန်မာ ဘီယာတွေ သယ်လာလို့ ကားနဲ့ ကြိတ်ပြီး ဖျက်ဆီး”

စစ်ကိုင်းတိုင်း ပုလဲမြို့နယ်တွင် အကြမ်းဖက်စစ်ကောင်စီထုတ်ကုန်ဖြစ်သည့် မြန်မာဘီယာများသယ်ဆောင် လာသည်ကို တွေ့ရှိသဖြင့် ဖျက်ဆီးခဲ့ရကြောင်း Pale Joker PDF အဖွဲ့ဦးဆောင်သူ ဗိုလ်ပုလဲက လူထုနွေဦးသို့ ပြောသည်။

ယနေ့(ဇန်နဝါရီ ၁ ရက်)နံနက်ပိုင်းတွင် ပုလဲမြို့နယ်ရှိဒေသတစ်ခုတွင် မြန်မာဘီယာများ တင်ဆောင်လာသည့် ယာဥ်တစ်စီးရှိကြောင်း သတင်းပို့ချက်အရ. တားဆီးစစ်ဆေးနိုငခဲ့ခြင်းဟု ၎င်းက ဆိုသည်။

“အားလုံး ၁၅ ဖာ လောက်ရှိမယ်။လူနဲ့ ကားကိုတော့ မှတ်တမ်းယူထားတယ်။ စစ်တပ်ရဲ့ ထုတ်ကုန်တွေကို သယ်မလာဖို့ သေချာပြောလိုက်တယ်။ဒီတစ်ခါနောက်ဆုံးအကြိမ်ပဲ နောက်တခါဆိုရင် လူရော မော်တော်ယာဥ် အတွက် အာမမခံဘူးဆိုတာ သတိပေးလိုက်တယ်”ဟု ၎င်းက ရှင်းပြသည်။

စစ်ကိုင်းတိုင်းတွင် အကြမ်းဖက်စစ်ကောင်စီထုတ်ကုန်များကို သယ်ဆောင်ခြင်းနှင့် ရောင်းဝယ် ဖောက်ကားမှုကို ခွင့်မပြုကြောင်း မြို့နယ်အလိုက် ပြည်သူ့ကာကွယ်ရေးတပ်ဖွဲ့များက သတိပေးထားသည်။

ထို့အတူ အကြမ်းဖက်စစ်ကောင်စီထုတ်ကုန်များကိုလည်း စစ်ဆေးတွေ့ရှိပါက ချက်ချင်းဖျက်ဆီးမှုများပါ ပြုလုပ်နေသည်။