Local News

သဘာဝဘေးအန္တရာယ် ကျရောက်လာတဲ့အခါ အိမ်ယာမဲ့များအတွက်လည်း အကူညီဖြစ်စေတဲ့ 3D အိမ်ဒီဇိုင်းကို တည်ဆောက်ခဲ့တဲ့ ဗိသုကာပညာရှင်

The Daily Mail မှာတင်ပြလာတဲ့ အိမ်တစ်လုံးဟာ လွန်ခဲ့တဲ့နှစ် ရာပေါင်းများစွာက ရှေးဟောင်းယဉ်ကျေးမှုများမှ သဲကန္တာရအလယ်ရှိ အဆောက်အအုံတစ်ခုလို ထင်ရပေမယ့် တကယ်တော့ ဒါဟာ 3D ပုံနှိပ်ထားတဲ့ ရွှံ့အိမ်ပါ ။

3D ရိုက်နှိပ်ထားတဲ့ ရွှံ့အိမ်ကို “ခေတ်မီတဲ့ ဆောက်လုပ်ရေးနည်းပညာ” ဖြင့် အရေးပေါ် သို့မဟုတ် သဘာဝဘေးအန္တရာယ် ကျရောက်လာတဲ့အခါ အိုးမဲ့အိမ်မဲ့များနဲ့ အိမ်ယာမဲ့များကို ကူညီပေးလိမ့်မယ်ဆိုတဲ့ မျှော်လင့်ခြင်းနဲ့ အီတလီဗိသုကာပညာရှင် Mario Cucinella မှ ဒီဇိုင်းဆွဲထားတာပါတယ် ။ TECLA လို့ အမည်ပေးထားတဲ့ အဆိုပါ ရွှံ့အိမ်က နည်းပညာနဲ့ ဒေသဆိုင်ရာ ရွှံ့စေးများဖြင့် ပေါင်းစပ်ထားတာပါ ။

Cucinella က ရှေးဟောင်းပစ္စည်းများကို လက်ရှိနည်းပညာနဲ့ အစားထိုးခြင်းဖြင့် ထူးခြားတဲ့အခန်းရဲ့အစလို့ Cucinella က ထင်ထားတာကြောင့်ပါ ။ အိမ်များရဲ့ အလှတရားများက 2030 ခုနှစ်မှာ ဥရောပရဲ့ ကာဗွန်ထုတ်လွှတ်မှု ကင်းစင်ရေး ပန်းတိုင်ကို အရောက်လှမ်းနိုင်ရန် ဆန်းသစ်တဲ့ နည်းပညာများနဲ့ ဆောက်လုပ်ရေးပစ္စည်းများရဲ့ ရလဒ်ဖြစ်ပါတယ် ။

အကျယ်အဝန်း 60 စတုရန်းမီတာရှိတဲ့ စံပြအိမ်လို အလွှာများဖြင့် တည်ဆောက်ထားတဲ့ ရွှံ့မှိုကို ဗဟို အပေါက်နဲ့ စက်ဝိုင်းပုံစံဖြင့် ပြုလုပ်ထားပြီးပုံနှိပ်ရန် နာရီ 200 ကြာခဲ့သော်လည်း Cucinella က တည်ဆောက်မှုကုန်ကျစရိတ်ကို ထုတ်ဖော်ပြောကြားခြင်းမရှိပါ ။

အိမ်အတွင်းမှာ ဧည့်ခန်းတစ်ခု ပါဝင်ပြီး ရေချိုးခန်းနဲ့ အိပ်ခန်း ပရိဘောဂများကို စားပွဲနဲ့ ကုလားထိုင်များအပါအဝင် 3D ရိုက်နှိပ်ထားပါတယ် ။ ဒီဇိုင်းရဲ့ အလှတရားများအပြင် သဘာဝ ဘေးအန္တရာယ် ကျရောက်ပါက အသုံးပြုနိုင်သေးကြောင်း Cucinella မှ ပြောကြားခဲ့ပါတယ် ။

3D ပရင်တာက ဆူနာမီ၊ ငလျင်လှုပ်ခြင်း သို့မဟုတ် ရေကြီးခြင်းကဲ့သို့သော ပတ်ဝန်းကျင်အခြေအနေအမျိုးမျိုးအတွက် အမိုးခုံးပုံနှိပ်စက်ပုံစံကိုလည်း ပြုပြင်ပြောင်းလဲပေးပါတယ် ။

Reference : khaosod