KIA နှင့် ကိုးကန့် ပူးပေါင်းတပ်ဖွဲ့၏ တိုက်ခိုက်မှုကြောင့် သေဆုံးသွားသည့် တပ်ရင်းမှူး ဗိုလ်မှူး ၂ ဦး၊ ဗိုလ်ကြီး ၁ ဦး နှင့် စစ်ကောင်စီတပ်သားများ အသုံးအဆောင်နှင့် လက်နက်များ ထုတ်ပြခဲ့ပါတယ်
ရှမ်းပြည်နယ်မြောက်ပိုင်း မုံကိုးမြို့နယ်၊ မုံကိုး ဖောင်းဆိုင်ဒေသ မန်ခွမ် အနီးနေရာတွင် စစ်ကောင်စီတပ်များနှင့် KIA ၊ ကိုးကန့်ပူးပေါင်းတပ်တို့ သြဂုတ်လ ၂၈ ရက်နေ့ တိုက်ပွဲဖြစ်ပွားရာ စစ်ကောင်စီဘက်မှ တပ်ရင်းမှူး ဗိုလ်မှူး ၂ ဦး၊ ဗိုလ်ကြီး ၁ ဦး သေဆုံးပြီး စစ်ကောင်စီတပ်ဖွဲ့ဝင် ရာဂဏန်းနီးပါး သေဆုံးကြောင်း ကချင်သတင်းရင်းမြစ်က ရန်ကုန်ခေတ်သစ်သတင်းဌာနသို့ ပြောဆိုသည်။
သေဆုံးသွားသည့် တပ်ရင်းမှူး ဗိုလ်မှူး ၂ ဦး၊ ဗိုလ်ကြီး ၁ ဦး နှင့် စစ်ကောင်စီတပ်သားများ အသုံးအဆောင်နှင့် လက်နက်များကို ကိုးကန့်အဖွဲ့က ယနေ့ ထုတ်ပြသည်။
“ကျနော်တို့ဘက်က လက်နက်တွေ တော်တော်များများ သိမ်းမိတယ်။ စစ်ကောင်စီတပ်ရင်း ၅၂၅ တပ်ရင်း နဲ့ KIA ၊ ကိုးကန့် ပူးပေါင်းတပ် တိုက်ပွဲဖြစ်တာပါ။
စစ်ကောင်စီ တပ်ရင်းမှူး တပ်ရင်းမှုးဗိုလ်မှူး ၂ ဦး၊ ဗိုလ်ကြီး ၁ ဦး သေပါတယ်။ တပ်ဖွဲ့ဝင်တော် တော်များများလည်း သေပါတယ်။ စကခ ၁၇ စစ် ကြောင်းမှူးဒဏ်ရာပြင်းထန်ဒဏ်ရာရတဲ့အတွက် ရဟတ်ယာဉ်နဲ့ ဒီနေ့ ည ၉ နာရီ ၃၀ မိနစ် မှာ လားရှိုး သယ် သွားပြီ” ဟု ကချင်သတင်းရင်းမြစ်က ရန်ကုန်ခေတ်သစ်သတင်းဌာနသို့ ပြော ဆိုသည်။
အထူးဒေသ(၁) မုံးကိုးခရိုင်ဒေသတစ်ဝိုက်ရှိ စစ်ကောင်စီတပ် တပ်ရင်း (၂၃၀)ကို MNDAA ကိုးကန့်က ပြင်းပြင်းထန်ထန်ခုခံတိုက်ခိုက်ခဲ့ကြောင်း ကိုးကန့်အဖွဲ့က ထုတ်ပြန်သည်။
လက်တလောပိုင်းတွင် စစ်ကောင်စီတပ်၏ ထိုးစစ်ဆင်တိုက်ခိုက်မှုကြောင့် MNDAA နှင့် အထူးဒေသ(၁) မုံးကိုးခရိုင် ကိုဗစ်-၁၉ ရောဂါ ကြိုတင်ကာကွယ်ထိန်းချုပ်ပြန်ကြားရေးအဖွဲ့နှင့် စစ်ကောင်စီတပ်တို့ကြား တိုက်ပွဲများအဆက်မပြတ် ဖြစ်ပွားခဲ့ကြောင်း၊
သြဂုတ်လ (၂၈) ရက်နေ့တွင် စစ်ကောင်စီတပ်ရင်း (၂၃၀) အပါအ၀င် လူအင်အား (၁၃၀)ခန့်သည် MNDAA တပ်စခန်းကို ထပ်မံထိုးစစ်ဆင်ရန် ချီတက်လာကြောင်း၊
စစ်ကောင်စီချီတက်လာသော သတင်းရရှိသည် နှင့်တစ် ပြိုင်နက်တည်းတွင် MNDAA အနေနဲ့လည်း ကောင်းမွန်စွာခုခံတိုက်ခိုက်နိုင်ရန်အတွက် ပြင်ဆင်ခဲ့ကြောင်း၊
သြဂုတ်လ (၂၈) ရက်နေ့ နံနက် ၁၀ နာရီခန့်တွင် မုံးကိုးခရိုင် ကွန်းလုံရွာ မှ ရှမန်ခုံရွာသစ် ဘက်သို့ ချီတက်လာ စစ်ကောင်စီတပ်များကို MNDAA က နံနက် ၁၁ နာရီ ၄၅ မိနစ်ခန့်တွင် ကြားဖြတ်တိုက်ခိုက်ခဲ့ကြောင်း၊ ၁၀ မိနစ်ခန့် တိုက်ပွဲများဖြစ် ပွားခဲ့ပြီး MNDAA က ပြန်လည်ဆုတ်ခွာခဲ့ကြောင်း၊
နေ့လည် ၂ နာရီ ၃၀ မိနစ်ခန့်တွင် စစ်ကောင်စီတပ်တို့သည် ကုန်းလျှံရွာဘက်သို့ဆက်လက်ချီတက်လာခဲ့ပြီး MNDAA က ညနေ ၃ နာရီ ၅၇ မိနစ်ခန့်တွင် ထပ်မံကြားဖြတ်တိုက်ခိုက်ခဲ့ကြောင်း၊
ညနေ ၇ နာရီခန့်ထိ တိုက်ပွဲများ ဆက်တိုက်ဖြစ်ပွားခဲ့ပြီး စစ်ကောင်စီတပ် မှ ပြန်လည်ဆုတ်ခွာသွားခဲ့ကြောင်း၊ တစ်နေ့တာ တိုက်ပွဲတွင် စစ်ကောင်စီဘက်မှ အနည်းဆုံး ၅ ဦးသေဆုံးခဲ့ ပြီး ၂၀ ဦးခန့် ထိခိုက်ဒဏ်ရာရရှိခဲ့ကြောင်း၊ MNDAA အနေဖြင့် ထိခိုက်ဒဏ်ရာရရှိမှု မရှိခဲ့ဘဲ စစ်သုံးပစ္စည်းတစ်ချို့ကို သိမ်းပိုက် နိုင်ခဲ့ကြောင်း ထုတ်ပြန်ထားသည်။
MNDAA နှင့် စစ်ကောင်စီတပ်တို့ ဖြစ်ပွားခဲ့သောတိုက်ပွဲများတွင် အခြားအဖွဲ့အစည်းများပါ၀င်ကူညီနေသည်ဟု တစ်ချို့မီဒီယာများက ရေးသားဖော်ပြနေကြောင်း၊ ဤတိုက်ပွဲတွင် အခြားအဖွဲ့အစည်းများ ပါ၀င်ကူညီခြင်း လုံး၀မရှိခဲ့ကြောင်း၊ MNDAA နှင့် မုံးကိုးခရိုင်ကာကွယ်ရေးတပ်ဖွဲ့မှ စစ်ကောင်စီတပ်များကို ခုခံတိုက်ခိုက်ခဲ့ခြင်း ဖြစ်ကြောင်း၊
စစ်ကောင်စီတပ်၏ အဆက်မပြတ်ထိုးစစ်ဆင်မှုကြောင့် မုံးကိုးဒေသတွင် တိုက်ပွဲများ ဆက်လက်ပြင်းထန်နိုင်သည့် အခြေအနေရှိကြောင်း၊ MNDAA အနေဖြင့်လည်း မိမိတို့၏ အုပ်ချုပ်နယ်မြေကို အသက်ပေးကာကွယ်သွားမည်ဖြစ်ကြောင်း ထုတ်ပြန်ထားသည်။
