“တရုတ်နိုင်ငံထဲ ကျည်တွေ ထပ်မံ ကျရောက်ရင် လက်တုံ့ပြန်သွားမယ်လို့ စစ်ကောင်စီကို တရုတ်က သတိပေးလိုက်ပြီ”

ရွှေဖီမြေ၊ ဩဂုတ် ၁၃ ရက်၊ လားရှိုး

တရုတ်နိုင်ငံ ဝမ်တိန်မြို့ထဲ ကျည်တွေ ကျရောက်ခဲ့ပြီး အခုလိုမျိုးဖြစ်စဥ် ထပ်မံ ဖြစ်ပွားနေရင် လက်တုံ့ပြန်သွားမယ်လို့ တရုတ်နိုင်ငံက ပေးပို့တဲ့ အကြောင်းကြားစာထဲမှာ ဖော်ပြထားပါတယ်။

စစ်ကောင်စီဘက်ကတော့ ဝမ်တိန်မြို့ထဲ ကျရောက်ခဲ့တဲ့ ကျည်ဆံဟာ ၎င်းတို့ ပစ်ခတ်လိုက်တဲ့ ကျည်ဆံ မဟုတ်ကြောင်း ငြင်းဆိုထားပါတယ်။

တရုတ်နိုင်ငံဘက်က ပေးပို့တဲ့ စာမှာတော့ ဩဂုတ် ၄ ရက်က အမြောက်ကျည်ဆံတစ်လုံးနဲ့ ဩဂုတ် ၆ ရက်က ကျည်ဆံတစ်တောင့် ဝမ်တိန်မြို့ထဲ ကျရောက်ခဲ့တယ်လို့ ဖော်ပြထားပါတယ်။

ဩဂုတ် ၄ ရက်နဲ့ ၆ ရက်က စစ်ကောင်စီတပ်နဲ့ ကိုးကန့်တပ်မတော် (MNDAA)တို့အကြား မူဆယ်မြို့နယ် ကြူကုတ်ပန်ဆိုင်းမြို့မှာ တိုက်ပွဲဖြစ်ပွားခဲ့တာပဲ ဖြစ်ပါတယ်။

တိုက်ပွဲကြောင့် ဒေသခံ အိမ်ထောင်စု (၂၀၀)ကျော်ကလည်း လယ်ယာ၊ တောနဲ့ နယ်စပ်တစ်လျှောက်မှာ မိုးကာတဲထိုးပြီး တိမ်းရှောင်နေကြရပါတယ်။

Shwe Phyee Myay News