အခုမျိုးသစ် ဒယ်တာမျိုးကွဲဟာ ရေကျောက်ကူးစက်မှုလိုပဲ အလွန်မြန်တယ်။
ဖြစ်ပြီးသားသူတွေလည်း တစ်ဖန်ပြန်ကူးနေပြီး ပိုးကူးစက်မှုကို ဖြစ်နေစေတယ်။ ကာကွယ်ဆေးကို အပြည့်အဝ ထိုးပြီးသားသူတွေဟာလည်း mask တွေ တပ်ထားဖို့လိုတယ်။
ဘာကြောင့်ဆိုတော့ ဆေးထိုးပြီးသားသူတွေဟာ ပိုးကို သယ်ဆောင်ပြန့်ပွားစေနိုင်နေတယ်။ တစ်ကမ္ဘာလုံးမှာ ဂရုစိုက်မှဖြစ်တော့မယ်လို့ ဆိုတယ်။ ဒယ်တာမျိုးကွဲဟာ ၁၃၂ နိုင်ငံမှာဖြစ်နေပြီလို့ WHO က သတိပေးထားလိုက်ပါပြီ။
ကိုဗစ်တိုက်ပွဲဟာ ပုံစံပြောင်းသွားပါပြီ။
ပိုးက အရင်ပိုးပေမယ့် သူက ပိုသန်မာလာနေပြီး အကူးအစက်မြန်နေတယ်။ Viral load ကလည်း အရင်က ၁၀၀ ဆိုရင် အခု ၁၀၀၀ ဖြစ်နေပြီလို့ ဆိုပါတယ်။
အာရှနိုင်ငံတွေမှာ ပိုပြီး ပြန့်ပွားနှုန်းများနေတာမို့ ဂရုပြုဖို့ WHO က ဆော်သြနေတယ်။ ဒီပိုးကို ပဉ္စလက်နည်းနဲ့ ပျောက်စေ လုပ်လို့မရဘူး။
———————–
#အကောင်းဆုံးနည်းက
#ကာကွယ်ဆေးထိုးခြင်းဖြစ်ပါတယ်။
————————
ဆေးထိုးပြီးလည်း ကူးစက်ခံရနိုင်တာ ရှိနေဦးမှာဆိုပေမယ့် ဆေးရုံတက်ရတာ၊ ခံစားရတာ၊ သေဆုံးတာတွေ လျော့ပါးစေနိုင်မယ်လို့ ကြေညာပါတယ်။
မကူးစက်စေဖို့ အသေချာဆုံး အကာအကွယ်ကိုလည်း WHO က ထုတ်ပြန်ကြေညာပါတယ်။ ရိုးရိုးလေးပါပဲ၊ မလိုက်နာရင် ကူးမယ်တဲ့။
——————-
⚠️Mask နှစ်ထပ်တပ်ပါ။
⚠️လူချင်း အကွာအဝေး သတ်မှတ်ချက်ထက် မနီးစေနဲ့။
⚠️လက်ကို သန့်ရှင်းနေပါစေ။ မကြာခဏ ဆေးကြောပါ။
⚠️အလုံပိတ်အခန်းတွေမှာ အကြာကြီး ဝင်မနေမိပါစေနဲ့။
——————-
ဒါပါပဲတဲ့။
လိုက်နာရင် မဖြစ်ဘူးတဲ့။ မလိုက်နာလို့ ဖြစ်သွားရင် ပြန်ကောင်းလာလည်း ဒဏ်ရာကျန်တယ်။
ဓာတ်မှန်ပြန်စစ်ရ သွေးဖောက်ပြန်စစ်ရ လုပ်ကြရသေးတာတဲ့။ ရာနှုန်းပြည့် လူကောင်းပကတိပြန်ဖြစ်မယ်လို့ အပိုင်ကြီးမထင်ပါနဲ့တဲ့။ ဆီးချိုတွေ၊ သွေးပျစ်တာတွေ၊ အဆုတ်ဝေဒနာတွေနဲ့ ဖြစ်သွားပါလိမ့်မယ်တဲ့။
