ဖားကန့်သို့ ​​ခြေလျှင်တက်လာသည့် စစ်​ကောင်စီတပ်အား ​ကေအိုင်​အေ မိုင်းခွဲတိုက်ခိုက်

2 August 2021 – Kachinwaves

ဖားကန့်မြို့လမ်း နန့်ယား​ကျေးရွာမှ ဖားကန့်မြို့သို့ တက်လာသည့် စစ်ကောင်စီစစ်​​ကြောင်းကို ယနေ့နံနက်ပိုင်းတွင် ​ကေအိုင်​အေ မှ မိုင်းခွဲတိုက်ခိုက်ခဲ့ပြီး တိုက်ပွဲဖြစ်ပွားခဲ့ကြောင်း သိရသည်။

နန့်ယားကျေးရွာမှ ဖားကန့်မြို့သို့ တက်လာသည့် စစ်ကောင်စီတပ်တို့ကို တံတားညီနောင်အနီးရှိ ရုန်းတောင်တွင် ကေအိုင်အေ မှ ချုံခိုတိုက်ခိုက်ခဲ့​ကြောင်း သိရသည်။

နန့်ယား ကျေးရွာရှိ ပြည်သူ့စစ်စခန်းကိုလည်း ​ကေအိုင်​​အေ မှလက်နက်ကြီးများဖြင့် ပစ်ခတ်ခဲ့​ကြောင်း သိရသည်။

“နန့်ယားကျေးရွာအဝင်မှ ပြည်သူ့စစ် ဂိတ်ရှိတယ် အဲ့မှာ ကေအိုင်အေဘက်က လက်နက်ကြီးပစ်လိုက်တာ ဂိတ်မှာမကျဘူး သူတို့နေတဲ့ ကုန်းမှာကတော့ လက်နက်ကြီးကျတယ်”ဟု ဒေသခံတစ်ဦးကပြောသည်။

နန့်ယား​မြို့မှ စစ်ကောင်စီစစ်သား အယောက် ၁၀၀ ကျော်သည့် စစ်ကြောင်းကို ကေအိုင်အေ မှ တိုက်ခိုက်ခဲ့ခြင်းဖြစ်သည်။