“ဖောက်ခွဲခံလိုက်ရတဲ့ မွန်ပြည်နယ်က ရေနံပိုက်လိုင်း အခြေအနေ (ရုပ်သံ)”

ဇူလိုင် ၂၉ ရက်

မွန်ပြည်နယ် သထုံမြို့နယ် စခန်းကြီးကျေးရွာအုပ်စု တောင်ကြားလမ်းမှာ သွယ်တန်းထားတဲ့ ရေနံပိုက်လိုင်းကို ဇူလိုင် ၂၇ ရက်​၊ ည ၈ နာရီ ခန့်က အမည်မသိလက်နက်ကိုင် အဖွဲ့မှ ဖောက်ခွဲဖျက်ဆီးခဲ့ကြောင်း သိရပါတယ်။

“ည ၉ နာရီခွဲတုန်းက အနီးအနားကရွာတွေ ထိတ်လန့်ခဲ့တာ ရေပိုက်ပြတ်တာလည်းမဟုတ်၊ ဂတ်ပိုက်လည်းမဟုတ် ရေနံ​တွေချောင်းပေါက်ထွက်သွားတာ အနံ့တအားထွက်သလို အသံက ဝုန်းဒုန်းကြဲကြားရတယ်။ ညကကတည်းက ပြေးခဲ့ရတဲ့လူတွေလည်း အများကြီး။ ညကတည်းက အိပ်လို့မရဲဘူး။

အသံနဲ့လူတွေကို နှိပ့်စက်နေတယ်။ မိုးလင်းတော့ သွားကြည့်လိုက်တာ ရေနံတွေ ဖြစ်နေတယ်။ စစ်ကောင်စီလက်ချက်ပဲ​ဖြစ်နိုင်တယ်။ PDF မှာဒါမျိုးလက်နက်မရှိနိုင်ဘူး”ဟု သထုံမြို့ ဒေသခံတစ်ဦးက ဧရာဝတီတိုင်းမ်ကို ဆက်သွယ်​ပြောဆိုသည်။

မွန်ပြည်နယ်၊ သထုံမြို့နယ်၊ စခန်းကြီးကျေးရွာအုပ်စု တောင်ကြားလမ်းမှာ သွယ်တန်းထားတဲ့ စရေနံပိုက်သက်တမ်းမှာ အတော်ကြာနေပြီးဖြစ်ပြီး ပေါက်ကွဲမှုဖြစ်ပေါ်​ပြီးမှသာ ​ကျေးရွာအနီးတဝိုက်မှာ ပိုင်းလိုင်းရှိကြောင်း သိရသည်ဟု ဒေသခံများက ဆိုသည်။

ရေနံပိုက်လိုင်း ပေါက်ကွဲမှုသည်စစ်ကောင်စီလက်ချက်​ဖြစ်ပြီး PDF ကို လွှဲချနေတယ်လို့လည်း ဒေသခံများမှ ဝေဖန်မူတွေရှိနေကြောင်း သိရသည်။

ရုပ်သံ ကြည့်ရှုရန်

အဆိုပါဖြစ်စဥ်နှင့်ပတ်သက်ပြီး စစ်ကောင်စီ လက်ချက်လား PDF လက်ချက်လား ဆိုတာကိုဧရာဝတီတိုင်းမ်သတင်းဌာနက အတည်ပြုနိုင်ဖို့ ဆက်လက်စုံစမ်းနေဆဲဖြစ်သည်။

ဗွီဒီယို – CJ

#AyeyarwaddyTimes #ရေနံပိုက်လိုင်း #ဖောက်ခွဲဖျက်ဆီး