ဗဟုသုတ

“အင်းစိန် ထောင်မှာ တိုက်ပိတ်ခံရတယ် ဆိုတာ ဘယ်လောက်ထိ အခြေအနေ ဆိုးရွားလဲ. . . ဖတ်ကြည့်ပါ”

တိုက်ပိတ်တယ်ဆိုတာ

၄ ပေ ၆ ပေ အခန်းကျဉ်းလေးထဲကိုထည့်ထားပြီး ပြတင်းတံခါးမရှိပဲ အဝင်တံခါးမှာ အစားအသောက်အဝင်အထွက်အတွက် ရှက်တာလို အပေါက်လေးတစ်ခုပဲရှိတယ်

ခေါင်းရင်းမှာရေအိုးရှိတယ် ခြေရင်းမှာ သဲပုံပေးထားတယ် ဂန်ဖလားတစ်လုံး ချထားပေးတာမျိုးတွေရှိတယ်

စကားပြောဖော်မရှိ အလင်းရောင်မရှိ အခင်းကြီးပဲသွားသွား အပေါ့ပဲသွားသွား ခြေရင်းမှာပဲ ဂန်ဖလားထဲသွားရတယ် သူတို့ ဒဏ်ပေးချင်ရင် ဒန်ဖလားသွန်ချိန်မပေးဘူး

အဲ့ဒီတော့ ဒန်ဖလားထဲမှာ မစင်တွေက ပြည့်လာတယ်

တစ်ခန်းလုံး အနံဆိုးလာတယ် နောက်ဆုံး လောက်တွေတဖွားဖွားကျလာတယ်

လောက်တွေကျပြီးနောက် ညဖက်အိပ်တဲ့အခါတွေတိုင်း လောက်တွေက ခြေထောက်ကိုကိုက်တယ် အခန်းတစ်ခုလုံးမှာရှိတာက လောက်တွေနဲ့ မစင် အညစ်အကြေးတွေပဲ ရှိတယ်

အဲ့ဒီလို အဖြစ်မျိုးကို တစ်ရက်ထဲနေရလားဆိုတော့ မဟုတ်ဘူး တချို့ လ နဲ့ချီနေရတယ် တချို့ နှစ်နဲ့ချီပြီးနေရတယ် ဒါကြောင့် ထောင်ထဲက ထွက်လာတဲ့ နိုင်ငံရေးအကျဉ်းသားအတော်များများဟာ ကျန်းမာရေးမှာ အဖက်ဖက်ဖက် ယို့ယွင်းရှာရတယ်

ဆရာကြီး ဦးဝင်းတင်လည်းတိုက်ပိတ်ခံရတယ်

ကိုမင်းကိုနိုင်လည်းတိုက်ပိတ်ခံရတယ်

အခြားအခြားသော နိုင်ကျဉ်းတော်တော်များများဟာ ထောင်တွင်း လှုပ်ရှားမှု့ အနည်းငယ်လေး လုပ်လိုက်တာနဲ့ တိုက်ပိတ်ခံရတယ်

အင်းစိန်ထောင်မှာ ခွေးတိုက်ရှိတယ် ကြိုးတိုက်ရှိတယ်

(တိုက်ပိတ်ခံရသူ အချို့)

ဘယ်သူတွေကိုထားလဲဆိုတော့ နိုင်ကျဉ်းတွေနဲ့ သေဒဏ်ကျ အကျဉ်းသားတွေကိုထားတယ်

နိုင်ကျဉ်းတွေကို ခွေးတိုက်မှာထားတယ် အခြားနိုင်ငံရေးနဲ့မသက်ဆိုင်တဲပြစ်မှု့ကြီးတဲ့သူတွေတော့ ကြိုးတိုက်မှာထားတယ်

ဒါတွေဘာလို့ ရေးပြလဲဆိုတော့ ဒါဟာ အင်းစိန်ထောင်ရဲ့ လူမဆန်တဲ့လုပ်ရပ်တွေကို သိစေချင်လို့ပါ

အခု အင်းစိန်ထောင် ထောင်အခေါ်အရဆူတယ်ပေါ့

အခု ဆူတဲ့သူတွေမှာ ဘယ်သူစလဲ သူတို့ ဖော်မယ် စဆူအောင်လုပ်သူ သို့ အဖွဲ့ ကို အသေအကြေရိုက်မယ် မသေခဲ့ရင် အထက်ကရေးထားတဲ့ ခွေးတိုက်မှာ တိုက်ပိတ်ကြလိမ့်မယ်

ဒါကို သိသိရဲ့နဲ့ အထဲက လူတွေဟာ အပြင်ကလူတွေ အားရှိအောင် ခွန်အားဖြစ်အောင် သူတို့ အသေအကြေခံပြီး ဒီနေ သွေးသစ္စာသီချင်းကို သူတို့တွေထောင်အပြင်က လူတွေပါကြားအောင် အသံကုန်ဟစ်ပြီးဆိုပြခဲ့ရှာတယ်

ကျွန်နော်တို့ကတော့ လိုင်းပေါ်ကနေ အသံနားထောင်ပြီးကိုယ့်အိမ်မှာကိုနေ နေတဲ့အချိန်ပေါ့

ဝမ်းနည်းရပါတယ်ဗျာ တကယ်ကို အင်မတန်ဝမ်းနည်းရပါတယ် မျက်ရည်ဝဲတယ်

ငါဘာလုပ်နိုင်လဲ ငါဘယ်လောက်ထိလုပ်နိုင်လဲဆိုတဲ့အတွေးတွေနဲ့ အင်မတန်ဝမ်းနည်းရတယ်ဗျာ

ငါတို့ဟာ ခေတ်ဆိုးမှာ

လူဖြစ်ခဲ့ရတာ တကယ့် အမဂ်လာပါပဲ။

Crd ;