ကလေးမြို့ ခရစ်ယာန်သချိုင်းမှာ ၁လအတွင်း အလောင်း ၂၇၀ မြေမြုပ်သဂြိုလ်
=======
ကလေးမြို့နယ်တွင် ကိုဗစ်ရောဂါဖြစ်ပြီးနောက် ကလေးမြို့ပေါ်ခရစ်ယာန်သချိုင်းတွင် ဇွန်လ ၁ ရက်ကနေ ၃၀ ရက်ထိ အလောင်း ၂၇၀ မြေမြုပ်သဂြိုလ်ထားတယ်လို့ ကလေးခရစ်ယာန်သချိုင်းကော်မတီ ဘဏ္ဍထိန်းက ထုတ်ပြန်ထားပါတယ်။
အများစုဟာ ကိုဗစ်အတည်ပြုလူနာနဲ့ သံသယလူနာတို့ဖြစ်ကြပါတယ်။
၎င်းတို့တွင် ခရစ်ယာန်အမှုတော်ဆောင် Rev. (၁၉) ပါး၊ RC Father (၃)ပါး စုစုပေါင်း (၂၂) ပါးလည်းပါဝင်ပါတယ်။
ဒိုးဝိုင်းချောင်း သချိုင်းမှာ ၂၄၈ လောင်း၊ မြို့လှသချိုင်းတွင် ၄ လောင်း၊ မွန်ထာသချိုင်းတွင် ၁၈ လောင်း မြုပ်နှံကြပါတယ်။ ဒါဟာ ပျမ်းမျှ တစ်ရက်မှာ ၉ ယောက်နှုန်းနဲ့ သေဆုံးတာဖြစ်တယ်။
အမျိုးသား ၁၆၈ ဦး၊ အမျိုးသမီး ၁၀၂ ဦးရှိပြီး ၎င်းတို့ထဲမှာ အသက်လူငယ်လောက် လူငယ် ၂၈ယောက်လည်းသေဆုံးတဲ့စာရင်းထဲမှာပါဝင်ပါတယ်။
အခုစာရင်းဟာ မြို့ပေါ်မှာသေဆုံးတဲ့စာရင်းတွေသာဖြစ်ပြီး ကျေးရွာဘက်က သေဆုံးတဲ့စာရင်းမပါဝင်သေးပါ။
ကလေးမြို့တွင် ကိုးကွယ်တဲ့ဘာသာအလိုက် သချိုင်းရှိကြပါတယ်။
#မုဆိုး
#သိမ့်sda
