ဗဟုသုတ

သင့်ချစ်သူက သင့်ကို ကြိုးကိုင်ခြယ်လှယ်နေကြောင်း သိနိုင်မယ့် အချက် (၁၀) ချက်

လူတွေဟာ ချစ်သူတွေ ဖြစ်လာကြပြီ ဆိုရင် ဂရုစိုက်တာတွေ၊ ဖေးမတာတွေ၊ နားလည်မှု ပေးတာတွေကို လိုချင်တာ သဘာဝပါပဲ။ ဒါပေမယ့် သင်ကို့ ရုပ်သေးရုပ် တစ်ရုပ်လို ကြိုးကိုင် ခြယ်လှယ်နေရင်တော့ လမ်းခွဲလိုက်တာ ပိုကောင်းပါတယ်။

သင်ဟာ အမြဲတမ်း အပြစ် ရှိတယ်။

ကြိုးကိုင်တတ် သူတွေရဲ့ အရည်အချင်းက သင့်မှ အပြစ် မရှိရင်တောင် အပြစ်ရှိသလို ခံစားရအောင် ပြုလုပ်တတ် တာပါပဲ။ သင်က အကူအညီ တောင်းစရာရှိလို့ ဖုန်းဆက်ရင်တောင် အလုပ်များနေတာ မသိဘူးလား၊ ဘာလို့ ဒီအကြောင်းတွေ လာပြောနေရတာလဲ ဆိုပြီး ပြောပါလိမ့်မယ်။

အကူအညီတောင်းမိတဲ့သူက မှားတယ်လို့ ခံစားသွား ရအောင် ပြောတတ်ကြပါတယ်။ သင့်ချစ်သူက သင့်ကို ကြိုးကိုငွနေရင် ဘယ်လိုတုံ့ပြန်ရမလဲ ဆိုတာကို အောက်ပါအချက်တွေနဲ့ အကြံပေးထားပါတယ်။

နံပါတ် ( ၁ ) အချက် သူက သင့်ကို ထိန်းချုပ်ဖို့ ကြိုးစားနေတယ် ဆိုတာ လက်ခံပါ။ နံပါတ် ( ၂ ) အနေနဲ့ စိတ်ကို တည်တည်ငြိမ်ငြိမ် ထားပါ။ နံပါတ် ( ၃ ) ကတော့ သူတို့ရဲ့ အပြုအမူ အတွက် တာဝန်ယူရလိမ့်မယ်လို့ စဉ်းစားလိုက်ပါ။

သူတို့ဟာ အမြဲနစ်နာသူတွေ ဖြစ်နေတတ်ကြတယ်။

ကြိုးကိုင်တတ်သူတွေက သူတို့ဘဝဟာ သနားစရာကောင်းကြောင်း၊ ကံဆိုးကြောင်း၊ အခက်အခဲတွေနဲ့ ပြည့်နေကြောင်း သနားစရာကောင်းအောင် ပြောတတ်ပါတယ်။ အဲဒါကြောင့် သူတို့ဟာ ခေါင်းရှောင် တတ်သူတွေ ဖြစ်ပါတယ်။ သူနဲ့ ပတ်သက်ပြီး အမြဲတမ်း စိတ်ညစ်စရာတွေ ကိုပဲ ကြားနေရ မှာပါ။ သူတို့ရဲ့ အကျိုးအတွက် ပြောပြနေတာ ဖြစ်လို့ ပြိုင်မငြင်းဘဲ အေးအေးဆေးဆေး နားထောင်ပေးလိုက်ပါ။

ရန်စ တတ်တယ်။

ကြိုးကိုင်တတ် သူတွေဟာ အရင် ရန်စတတ် ကြပါတယ်။ သင့်ကို ဒေါသ ထွက်လာအောင်၊ စိတ်ဆိုးလာအောင် တဖြည်းဖြည်း ရန်စတတ်ပါတယ်။ ရန်ဖြစ်တဲ့အခါ သင်က လွန်ကြောင်း အများမြင်အောင်လုပ်ပြီး သူ့အပြစ်ကိုတော့ ဖုံးကွယ်ပါတယ်။

ချောက်တွန်းတတ်တယ်။

ဆုံးဖြတ်ရဖို့ အချိန်နည်းလာလေလေ၊ စဉ်းစားဖို့ အချိန်နည်းလာလေလေ ပါပဲ။ ကြိုးကိုင်တတ်သူတွေက သင့်ကို စဉ်းစားရကြပ်အောင် လုပ်တတ် ပါတယ်။ သင်ဟာ မစဉ်းစားတတ် တော့ဘဲ အမှားတွေပဲ လုပ်မိအောင် တမင်ချောက်တွန်း ပေးနေတာပါ။

သင့်ပြဿနာတွေကို မကြားချင်ယောင် ဆောင်နေတတ်တယ်။

ကြိုးကိုင်တတ် သူတွေရဲ့အရည်အချင်းက ဂရုမစိုက်တတ်ခြင်း ပါပဲ။ သင့်ပြဿနာတွေကို ပြောတဲ့အခါ သူက စကားဖြတ်ပြောပြီး အလုပ်များချင်ယောင် ဆောင်နေတတ်ကြ ပါတယ်။ သူ့ပြဿနာတွေက သင့်ပြဿနာတွေထက် ကြီးကြောင်း သနားစရာကောင်းအောင် ပြောတတ်ပါသေးတယ်။ အဲဒါကြောင့် ဒီလို ခေါင်းရှောင်တတ်သူကို လမ်းခွဲပြီး ကိုယ့်အပေါ် တကယ် မေတ္တာထားသူကိုပဲ ရှာသင့်ပါတယ်။

သင်မရှိရင် သူသေသွားလိမ့်မယ် ဆိုတဲ့စကားကို ခဏခဏ ပြောတတ်တယ်။

အဲဒီလိုစကားက သင့်စိတ်ကို လှည့်စားလိုက်တာပါ။ “နင်မရှိတော့ ငါသေလိုက်မှာနော်” လို့လည်း ပြောလည်း မယုံလိုက်ပါနဲ့။ သူတစ်ခုခု ဖြစ်သွားရင် သင့်ပယောဂ မကင်းသယောင် ဖြစ်အောင် လုပ်တာပါ။ သူပြောတဲ့အတိုင်း တကယ် မသေနိုင်လို့ ရဲရဲသာ လမ်းခွဲလိုက်ပါ။

အပြစ်ကို လွှဲချတတ်တယ်။

လိုရာကို ဆွဲပြီး မမှန်မကန် ပြောတတ်တာက ကြိုးကိုင်တတ်သူတွေ ကျွမ်းကျင်တဲ့ အရာပါ။ ပြဿနာတစ်ခု ဖြစ်လာရင် သင့်ကြောင့်သာ ဖြစ်ကြောင်း၊ သင်က ဟန်ဆောင်ကောင်းကြောင်း လှည့်စားပြောတတ်ကြပါတယ်။

ဟန်ဆောင် ကောင်းတယ်။

ပြဿနာဖြစ်ရင် မဆွေးနွေးချင်ဘဲ ရှောင်ထွက်တတ် ပါတယ်။ သူ့အပြစ်အတွက် တာဝန်ယူမှု မရှိသလို သင့်ကို ဒုက္ခရောက်အောင် လုပ်ဖို့လည်း ဝန်မလေးပါဘူး။ သင်ပြောသမျှ စကားတွေက အမှားတွေ ဖြစ်တယ်လို့ ယူဆလာအောင် ဟန်ဆောင်ကောင်းတတ် ကြပါတယ်။

မာယာတွေ သုံးတတ်တယ်။
ကြိုးကိုင်တတ် သူတွေက သင့်ဆီက တစ်ခုခုလိုချင်ရင် မာယာတွေ သုံးတတ်ပါတယ်။ သူတို့မှာ အလွန် ခက်ခဲနေကြောင်း ပြောပြီး သူ့ဘက်ပါလာအောင် ဆွဲဆောင်မှာပါ။ မာယာတွေသုံး၊ ချိုချိုသာသာလိမ်ညာပြီး အကူအညီ တောင်းလာရင် လုံးဝ မကူညီသင့်ပါဘူး။

ဘာမှ မမှတ်တော့သလို ဟန်ဆောင်တတ်တယ်။

သူတို့ဟာ တစ်ကိုယ်ကောင်း ဆန်သူတွေဖြစ်လို့ သက်သာမယ့် လမ်းကိုပဲ ရွေးမှာပါ။ ပြဿနာကို မရှင်းချင်တော့ရင် မမှတ်မိတော့ဘူး၊ စဉ်းစားလို့ မရတော့ဘူး ဆိုပြီး လွယ်လွယ်နဲ့ ပြောထွက်တတ် ပါတယ်။ အဲဒါကြောင့် သင့်အမြဲ စိတ်ညစ်နေရ မှာပါ။ သင်နဲ့ လမ်းခွဲချင်လို့၊ တကယ် မချစ်လို့ ဒီလို လှည့်စားနေတာပါ။ ကြိုးကိုင်တတ်သူနဲ့ လမ်းခွဲပြီး အေးအေးဆေးဆေးနေတာ ပိုကောင်းပါတယ်။