“ဆိုင်ကယ်ပေါ်က ဘလူးတု ဆောင်းဘောက် ပြုတ်ကျခဲ့လို့ အဖမ်းခံရပြီး ပုဒ်မ (၅၀၅) နဲ့ အမှုဖွင့်ခံရတဲ့အဖြစ်”

ပေါင် ဇွန် ၁၁

ဇွန်လ ၇ ရက်နေ့က ပေါင်မြို့နယ် ဇင်းကျိုက် စျေးရှေ့တွင် ဆိုင်ကယ်ပေါ်မှကျကျန်ရစ် သည့်၊”ဘလူးတု”ဆောင်းဘောက်အား၊ ဗုံးဟု အထင်မှားပြီး၊ ဇင်းကျိုက်နယ်မြေရဲစခန်းက ဆိုင်ကယ်မောင်းသူ အားခေါ်ယူစစ်ဆေးခဲ့သည်။

ထိုသို့ခေါ်ယူစစ်ဆေးစဥ်က အဖော်အဖြစ်လိုက်ပါသွားခဲ့သူ လူငယ်တစ်ဦးကို ရာဇသတ်ကြီးဥပဒေပုဒ်မ ၅၀၅ (က)ဖြင့်အမှုဖွင့်အရေးယူဖမ်းဆီးထားသည်ဟုဆိုသည်

“ကျွန်မရဲ့သား ရဲမင်းထက် က ဘာမှမဆိုင်ဘူးလေ သူ့သူငယ်ချင်းကို ရဲစခန်းကခေါ်တယ် တစ်ယောက်ထဲမသွားရဲလို့ အဖော်လိုက်သွားတာ ၊”ဘလူးတု”ပြုတ်ကျခဲ့တုန်းကဆိုင်ကယ်စီးသွားတာ ၃ယောက်မှာလဲမပါဘူးအခုလိုအဖမ်းခံရတော့တအားနစ်နာနေလို့လူကြီးတွေကို အသနားခံစာတင်ထားပါတယ်” ဟု ဖမ်းဆီးခံထားရသူ မောင်ရဲမင်းထက်၏ ၏မိခင် ဖလပ်ရပ်ကွက်နေ ဒေါ်စန်းစန်းနု က ပြောဆိုသည်။

“ဘလူးတု”ဆောင်းဘောက်ကျကျန်ရစ်သည့်အချိန်က ဆိုင်ကယ်အားမောင်းသူမှာ ဗညားအောင်ဖြစ်ပြီး အငယ်လေး ဆိုသူနှင့် ကောင်းငြိမ်းကိုကို တို့က နောက်မှာထိုင်လာပြီး၊ကျုံဟော်ကျေးရွာလယ်ကွင်းမှပြန်လာကြကြောင်း”ဘလူးတု” ဆောင်းဘောက်​ဖြင့် သီချင်းများဖွင့်လာသေးကြောင်း၊ဇင်းကျိုက်စျေး၌ နာရီဝင်ပြင်စဥ်၊ဘလူးတု အားဆိုင်ကယ်အိပ်ဇောပေါ်၌ ကောင်းငြိမ်းကိုကိုမှ တင်ထားကြောင်း

ဆိုင်ကယ်ပြန်ထွက်စဥ် ဘလူးတုအားမေ့ပြီး ပြန်မကိုင်ထားမိ၍ ပြုတ်ကျကျန်ခဲ့ကြောင်း ၊အိမ်ရောက်မှ ဘလူးတု မပါလာ၍ပြန်လာရှာဖွေကြရာ ရဲများက အရံအတားများ လုပ်ထားသဖြင့်မယူရဲတော့ဘဲ ပြန်လှည့်လာရခြင်းဖြစ်သည်ဟု ဗညားအောင်၏အစ်မဖြစ်သူ ဒေါ်မိမိခိုင်ကရှင်းပြပြောဆိုသည်။

ဘလူးတု ဆောင်းဘောက်ဆိုသည် လူငယ်များအကြား ဖုန်းဖြင့်ချိတ်ဆက်၍ သီချင်းဖွင့်ခြင်းပြုလုပ်နေကြသည့် ဖျော်ဖြေရေးပစ္စည်းတစ်ခုသာဖြစ်ပြီး ၊ယခုအရေးယူထားသည့်အမှုမှာ အစိုးရနှင့်အများပြည်သူ ​အပေါ် ထိခိုက်စေသောအပြုအမူနှင့် သက်ဆိုင်သည့်အမှုဖြစ်နေသဖြင့် နစ်နာနေရကြောင်း ဗညားအောင်၏အစ်မဖြစ်သူကပြောသည်ဘလူးတုဆောင်းဘောက်ပြုတ်ကျကျန်ရစ် စဥ် ဆိုင်ကယ်ပေါ်တွင် လိုက်ပါလာသူ နောက်ထပ် လူငယ်၂ဦးဖြစ်သည့် အငယ်လေးနှင့်ကောင်းငြိမ်းကိုကို ဆိုသူတို့အား ရဲတပ်ဖွဲ့မှအရေးယူထားခြင်းမရှိဘဲ ဗညားအောင်တစ်ဦး၊ကိုသာခေါ်ယူစစ်ဆေးပြီး ၊အဖော်ဖြစ်သူကိုပါအမှုဖွင့်အရေးယူထားခြင်းဖြစ်သည်

ဝရဇိန်( ပေါင်)