“ပြင်ဦးလွင် အနီးစခန်းမှာ စကစ လေယာဉ်ငယ် ပျက်ကျ ၊အနည်းဆုံး (၈) ဦးသေ”

မဇ္ဈိမ၊ဇွန်-၁၀

မန္တလေးတိုင်းဒေသကြီး၊ပြင်ဦးလွင်မြို့နယ်၊အနီးစခန်း လျှပ်စစ်ခွဲရုံနဲ့သံမဏိစက်ရုံကြားမှာ ဒီနေ့ ဇွန် ၁၀ရက်၊မနက်ပိုင်းက လေယာဉ်ငယ်တစ်စင်းပျက်ကျခဲ့ပြီး အနည်းဆုံး ရှစ်ဦး သေဆုံးခဲ့တယ်လို့ ဒေသခံတစ်ဦးကပြောပါတယ်။

“၁၂ယောက်ပါတယ်။ ရှစ်ဦးသေတယ်။ကျန်တာ ဒဏ်ရာရတာပေါ့။ကျွန်တော်တို့ အသင်းကို ဆက်သွယ်တာတော့ ဒါပဲသိရသေးတယ်။”လို့ ဒေသခံတစ်ဦးကပြောပါတယ်။

ဆက်လက်ပြီးသူက “ဒီမှာက ရာသီဥတုမိုင်းနေတယ်။အဆင်းမှာ ဖြစ်တာပါ။”လို့ပြောတာပါ။

သေဆုံးသူများတွင် စစ်ကောင်စီတပ်အဆင့်မြင့်စစ်ဘက်အရာရှိကြီးများပါဝင်သည်ဟု ကနဦးသတင်းရရှိသော်လည်း မဇ္ဈိမအနေဖြင့် အတည်မပြုနိုင်သေးပါ။ လက်ရှိမှာ ကယ်ဆယ်ရေးဆောင်ရွက်နေသည်/

အခြား ဒေသခံ တစ်ဦးကလည်

“EPC အနားသံစက်ရုံထဲပျက်ကျတယ်​ပြောတယ်။ သွားကြည့်လို့မရဘူး။ စစ်တပ်နဲ့ပိတ်ဆို့ထားတယ်။ အဲဒီဘက်ကို။ မီးသတ်​တွေ ကယ်ဆယ်​ရေး​တွေ သွား​နေတာ မြင်ရတယ်။ မနက် တကယ့် နိမ့်နိမ့်​လေး ပျံသွားတာ မြင်ရတယ်” ဟု ​​ဒေသခံတစ်ဦးက​ပြောသည်။

လက်ရှိတွင် ​သေဆုံးသူ ၁၂ ဦးအထိရှိပြီဖြစ်​ကြောင်း ​ပြောဆိုမှုများရှိပြီး ဖြစ်စဥ်အ​သေးစိတ်ကို သက်ဆိုင်ရာသို့ အတည်ပြုရန်ကြိုးစား​နေဆဲဖြစ်သည်။