ဗဟုသုတ

“တက္ကသိုလ်ဝင်းတန်းအောင်မြင်သူတွေ ..ရရှိတဲ့ အမှတ်အလိုက် လျှောက်ထားနိုင်တဲ့ တက္ကသိုလ်များ”

အမှတ်စာရင်းထွက်လို့ အမှတ်တွေသိရရင်-

Eng, Math, Chem, Phy လေးဘာသာရမှတ်ကိုပေါင်းကြည့်ပါ။

၃၂၀ နဲ့အထက်ရရင်

– ရန်ကုန်နည်းပညာတက္ကသိုလ်နဲ့

– မန္တလေးနည်းပညာတက္ကသိုလ် လျှောက်လို့ရပါတယ်။

၃၀၀ နဲ့အထက်ရရင်

– နည်းပညာတက္ကသိုလ် (မ‌န္တလေး)ကိုလျှောက်ထားလို့ရပါတယ်။

Eng, Math နှစ်ဘာသာရမှတ်ပေါင်းကြည့်ပါ။

၁၄၀ နဲ့အထက်ရရင်

– ရန်ကုန်ကွန်ပျူတာတက္ကသိုလ်ကိုလျှောက်ထားလို့ရပါတယ်။

ဘာသာစုံရမှတ်ပေါင်းကြည့်ပါ။

၄၅၅ နဲ့အထက်ရပြီး သိပ္ပံဘာသာတွဲ (Bio) နဲ့အောင်တာဆိုရင်

– ရန်ကုန်ပညာရေးတက္ကသိုလ်ကိုလျှောက်ထားလို့ရပါတယ်။

၄၅၀ နဲ့အထက်ရရင်

– ရန်ကုန်ကွန်ပျူတာတက္ကသိုလ်

– မန္တလေးကွန်ပျူတာတက္ကသိုလ်

– သတင်းအချက်အလက်နည်းပညာတက္ကသိုလ်တွေကို လျှောက်ထားလို့ရပါတယ်။

၄၃၀ နဲ့အထက်ရရင်

– မွေးမြူရေးဆိုင်ရာဆေးတက္ကသိုလ်၊ ရေဆင်းကိုလျှောက်ထားလို့ရပါတယ်။

၄၂၅ နဲ့အထက်ရပြီး ဝိပ္ပံတွဲ (Eco) နဲ့အောင်တာဆိုရင်

– ရန်ကုန်ပညာရေးတက္ကသိုလ်ကိုလျှောက်ထားလို့ရပါတယ်။

၄၂၀ နဲ့အထက်ရရင်

– နည်းပညာတက္ကသိုလ် (ရတနာပုံဆိုင်ဘာစီးတီး)

– မြန်မာနိုင်ငံလေကြောင်းနှင့်အာကသပညာတက္ကသိုလ်

– ရန်ကုန်စီးပွားရေးတက္ကသိုလ် (လှိုင်နယ်မြေ)

– ရန်ကုန်စီးပွားရေးတက္ကသိုလ် (ရွာသာကြီးနယ်မြေ)တို့ကို လျှောက်ထားနိုင်ပါတယ်။

၄၁၀ နဲ့အထက်ရပြီး ဝိဇ္ဇာတွဲနဲ့အောင်တာဆိုရင်

– ရန်ကုန်ပညာရေးတက္ကသိုလ်ကိုလျှောက်လို့ရပါတယ်။

၄၀၀ နဲ့အထက်ရရင်

– ရန်ကုန်နိုင်ငံခြားဘာသာတက္ကသိုလ်

– မန္တလေးနိုင်ငံခြားဘာသာတက္ကသိုလ်

– ရေဆင်းစိုက်ပျိုးရေးတက္ကသိုလ်တွေလျှောက်ထားလို့ရပါတယ်။

၃၈၅ နဲ့အထက်ရရင်

– သမဝါယမတက္ကသိုလ် (သန်လျင်)

– သမဝါယမတက္ကသိုလ် (စစ်ကိုင်း)တွေလျှောက်ထားလို့ရပါတယ်။

၃၈၀ နဲ့အထက်ရရင်

မိမိဆယ်တန်းဖြေခဲ့တဲ့ နယ်မြေထဲက နည်းပညာတက္ကသိုလ်တွေနဲ့ စီးပွားရေးတက္ကသိုလ်တွေကို လျှောက်ထားလို့ရပါတယ်။

၃၆၀ နဲ့အထက်ရရင်

သစ်တောနှင့်ပတ်ဝန်းကျင်ဆိုင်ရာတက္ကသိုလ်၊ ရေဆင်း နဲ့ မိမိဆယ်တန်းဖြေခဲ့တဲ့ နယ်မြေထဲက ကွန်ပျူတာတက္ကသိုလ်တွေကို လျှောက်ထားလို့ရပါတယ်။

၃၅၀ နဲ့အထက်ရရင်

– သမဝါယမကောလိပ် (မန္တလေး)

– သမဝါယမကောလိပ် (ဖောင်ကြီး)တို့ကိုလျှောက်ထားလို့ရပါတယ်။

မှတ်ချက်။ ။ ဒီဝင်ခွင့်အမှတ်တွေဟာ ၂၀၁၉ ခုနှစ်၊ တက္ကသိုလ်ဝင်ခွင့်လမ်းညွှန်စာအုပ်ထဲမှာ တက္ကသိုလ်အသီးသီးက ယေဘုယျသတ်မှတ်ထားတဲ့ အမှတ်တွေဖြစ်ပြီး ဒီနှစ်အတွက် တကယ်တမ်းဝင်ခွင့်ရမယ့် အနိမ့်ဆုံးရမှတ်တွေကတော့ လျှောက်ထားသူအနည်းအများအပေါ်ပဲ မူတည်သွားမှာပါ။

ဆေးနဲ့ဆေးနှီးနွယ်တက္ကသိုလ်များ၊မြန်မာသတင်းအချက်အလက်နည်းပညာတက္ကသိုလ်၊ မြန်မာနိုင်ငံရေကြောင်းပညာတက္ကသိုလ်‌တွေကတော့ လက်ခံခေါ်ယူမယ့် ကျောင်းသားဦးရေအပေါ်မူတည်ပြီး အမှတ်ကပြောင်းလဲသွားမှာပါ။ ယေဘုယျသတ်မှတ်ထားတဲ့ ဝင်ခွင့်အမှတ်မရှိပါဘူး။

၂၀၁၉ ခုနှစ် ဆယ်တန်းအောင်သူတွေထဲကနေ သိပ္ပံတွဲနဲ့အောင်တဲ့သူ အယောက် ၁၂၀၀ ကို ဆေးတက္ကသိုလ်အသီးသီးက လက်ခံခဲ့ပြီး အနိမ့်ဆုံးရမှတ်သည် ၄၈၀ ကျော်ဖြစ်ပါတယ်။

crd ဗညားကျော်စွာ

ရန်ကုန်ကွန်ပျူတာတက္ကသိုလ်