News

#မြန်မာနိုင်ငံရဲ့ ပထမဆုံးမှန်တံတားနဲ့ #အပန်းဖြေစခန်း လာမယ့်နှစ်မှာ ဖွင့်လှစ်နိုင်ဖို့လျာထား

မြန်မာနိုင်ငံရဲ့ ပထမဆုံး မှန်တံတားနဲ့ အပန်းဖြေစခန်းကို ရှမ်းပြည်နယ်မြောက်ပိုင်း ကျောက်မဲခရိုင် နောင်ချိုမြို့နယ်မှာ တည်ဆောက်နေပြီး လာမယ့်နှစ်ဖြစ်တဲ့ ၂၀၂၂ ခုနှစ်မှာ ဖွင့်လှစ်နိုင်ဖို့လျာထားတယ်လို့ ချယ်ရီမူဆယ်ကုမ္ပဏီ၏ ဒါရိုက်တာ (အဖွဲ့ဝင်)ဖြစ်သူ မလင်းလင်းထက်ဦး က ပြောပါတယ်။

အဲဒီစီမံကိန်းကို လက်ရှိမှာ လမ်းပိုင်းဆိုင်ရာများ စတင်လုပ်ဆောင်နေပြီဖြစ်တယ်လို့လည်း သူကဆိုပါတယ်။

စီမံကိန်းမှာ ပြည်တွင်းက စိတ်ဝင်စားတဲ့ စီးပွားရေးလုပ်ငန်းရှင်တွေကိုလည်း အကျိုးတူဖိတ်ခေါ်ထားပြီး ရင်းနှီးမြှုပ်နှံမှုငွေ ဒေါ်လာ ငါးသန်းအောက် ခန့်မှန်းထားတယ်လို့ သိရပါတယ်။

ဒီမှန်တံတားစီမံကိန်းကို ဂုတ်ထိပ်တံတားကြီးရဲ့ ၁ ဒသမ ၇၅ ကီလိုမီတာအနီးဝန်းကျင်မှာ စီစဉ်တည်ဆောက်နေပြီး ၁၇ ဧကကျော် ကျယ်ဝန်းသောနေရာမှာ တရုတ်နဲ့ မြန်မာနိုင်ငံက ပညာရှင်တွေ အင်ဂျင်နီယာတွေနဲ့ တည်ဆောက်သွားမှာ ဖြစ်ပါတယ်။

မှန်သားပြင် လျှောက်လမ်းတံတားက အမြင့် ၁၆၀ ပေ၊ အလျား ၂၀၀ ပေနှင့် အကျယ် ၁၂၀ ပေ ရှိမယ်လို့သိရပြီး လုံခြုံရေး ကောင်းမွန်မှုကို အဓိကထားပြီး နိုဝင်ဘာမှာ စတင်ဖော်ဆောင်နေပြီဖြစ်တယ်လို့ သူက ပြောပါတယ်။

ဒီမှန်တံတားကြီး ပြီးဆုံးရင် အပန်းဖြေအနားယူစရာတွေ စိတ်လှုပ်ရှားပျော်ရွှင်ဖွယ်ဖန်တီးမှုတွေ သက်တန့်လျှောစီးနဲ့ သဘာဝနားခိုရန်တဲအိမ်တွေ ပါရှိမှာဖြစ်တယ်လို့ သိရပါတယ်။

ဒီနေရာကို နေ့စဉ်လည်ပတ်သူဦးရေ ၁၀၀၀ ကျော် ခန့်မှန်းထားပြီး ဒေသခံပြည်သူတွေအတွက် အလုပ်အကိုင်အခွင့်အလမ်းတွေကို ဖန်တီးပေးနိုင်မယ်လို့ မလင်းလင်းထက်ဦး က ပြောပါတယ်။

သတင်း – ကြယ်စင်

ဓာတ်ပုံ – ချယ်ရီမူဆယ်ကုမ္ပဏီ