နိုင်ငံတော်ရဲ့ COVID-19 ရောဂါကာကွယ်ဆေးဝယ်ယူရေးရန်ပုံငွေထဲကို ဖျာပုံမြို့သူမြို့သားတွေ စုပေါင်းပြီး ပထမအကြိမ်အဖြစ် အလှူငွေ ကျပ်သိန်းပေါင်း (၁၆၀၀) ကျော်ကို ဇန်နဝါရီလ ၁၄ ရက်နေ့ မနက်ပိုင်းက လှူဒါန်းပါတယ်။
COVID-19ရောဂါကာကွယ်ဆေးဝယ်ယူဖို့အတွက် ၃ ရက်အတွင်းမှာ ဖျာပုံမြို့သူ မြို့သားတွေအနေနဲ့ အလှူငွေကျပ်သိန်းပေါင်း (၁၆၀၀)ကျော်လှူနိုင်ခဲ့တာပါ။
ဒုတိယအကြိမ်အတွက်လည်း ဆက်လက်ပြီးတော့ စုပေါင်းလှူဒါန်းသွားဦးမယ်လို့ ဧရာဝတီတိုင်းဒေသကြီးမဲဆန္ဒနယ် အမှတ် (၁၀)၊ အမျိုးသားလွှတ်တော် ကိုယ်စားလှယ် ဦးသိမ်းဆွေက ပြောပါတယ်။
လူတွေရဲရဲတင်းတင်းနဲ့သွားလာလှုပ်ရှား၊ ပျော်ရွင်လာနိုင်အောင်လို့ ရည်ရွယ်ပြီး သူငယ်ချင်းတွေ တစ်ဦးကို ကျပ်သိန်း( ၁၀၀ )စီမတည် လှူဒါန်းခဲ့တာလို့ အလှူရှင်တစ်ဦးဖြစ်တဲ့ငွေလဝင်း ဆန်စက်ပိုင်ရှင် ဦးကျော်ထွန်းက ပြောပါတယ်။
အခုပြုလုပ်တဲ့ အလှူငွေပေးအပ်ပွဲကိုတော့ လက်ရှိလွှတ်တော်ကိုယ်စားလှယ်တွေ၊ ၂၀၂၀ရွေးကောက်ခံ လွှတ်တော်ကိုယ်စားလှယ်တွေ၊ ခရိုင်နဲ့မြို့နယ် ဌာနဆိုင်ရာများ၊မြို့မိမြို့ဖများ၊အလှူရှင်များ တက်ရောက်ပေးအပ်ခဲ့ပါတယ်။
သတင်း-ကျော်စိုးမိုး(ဖျာပုံ)
