“ကိုဗစ်ကာကွယ်ဆေးထိုးပြီးနောက် ကိုယ်တိုင်ကြုံတွေ့ရတဲ့ အတွေ့အကြုံကို မျှဝေပေးလိုက်တဲ့ ဒေါက်တာကျော်ဇောဟိန်း”

“ ကိုဗစ်−၁၉ ကာကွယ်ဆေးထိုးခဲ့ “💉

ကာကွယ်ဆေး ဘယ်လောက်ကောင်းလဲ ..ဘယ်သူတွေ ထိုးနိုင်လဲ ..ဘာတွေ ပြင်ဆင်ထားသင့်လဲ.. ဆိုတာကို မြန်မာလို အတိုချုပ်. ဘာသာပြန်ရေးသားလိုက်ပါတယ် ခင်ဗျာ..

၁) ဆေးအာနိသင် ဘယ်လောက်ကောင်းလဲ ?✅

Pfizer ကာကွယ်ဆေးက ကိုဗစ်−၁၉ ကို တားဆီးနိုင်စွမ်းရှိပါတယ်.

လူ ၄၀,၀၀၀ (လေးသောင်း) ကျော်ပါဝင်တဲ့ ဆေးသိပ္ပံ စမ်းသပ်ချက်အရ ..ဆေးထိုးထားလျှင် ကိုဗစ်ရောဂါကို ၉၅ % တားဆီးနိုင်စွမ်း ရှိပါတယ် ..

(ကမ္ဘာ့ကျန်းမာရေးအဖွဲ့က . သတ်မှတ်ထားတဲ့ ၇၀% ထက် များစွာပိုကောင်းပါတယ်.)

၂) ဆေးထိုးသင့်သူများ.. ✅

ကာကွယ်ဆေးကို ၁၆ နှစ်ပြည့်ပြီးသူများတွင် ၂၁ ရက်ခြားပြီး ၂ ကြိမ်ထိုးနိုင်ပါတယ် ..

၃) ဆေး ‘မ’ ထိုးသင့်သူများ..🚫

− Pfizer ကုမ္ပဏီထုတ် ကာကွယ်ဆေးများနဲ့ ဓါတ်မတည့်သူများ၊

− ရက် ၉၀ အတွင်း ကိုဗစ် ဖြစ်ဖူးသူများ၊

− ကိုဗစ် သံသယ လူနာများ၊

− ကိုယ်ခံအားနည်း ရောဂါရှင်များ၊

− သွေးကျဲဆေး သောက်နေသူများ၊

− နို့တိုက်မိခင်များ ၊ ကိုယ်ဝန်ဆောင်များ

မှတ်ချက်။ အထက်ပါအုပ်စုများမှာ ဆရာဝန်ထောက်ခံလျှင် ဆေးထိုးနိုင်ပါတယ်..

၄). ဖြစ်နိုင်ခြေရှိသည့် ဘေးထွက်ဆိုးကျိုးများ ..🙍

− ဆေးထိုးသည့်နေရာတွင် နာကျင် (သို့) အောင့် နေခြင်း၊

− ဆေးထိုးသည့်နေရာတွင် ရောင်ရမ်းခြင်း၊

− အဖျားငွေ့ငွေ့တက်ခြင်း၊

− နွမ်းလျခြင်း၊

− ချမ်းတုန်ခြင်း၊

− ခေါင်းကိုက်ခြင်း။

*** ကျနော်ကိုယ်တိုင် ဆေးထိုးပြီးနောက် လက်မောင်းအောင့်သလို ခံစားရပြီး၊ နောက်ရက် ပြန်ကောင်းသွားပါတယ်.

၅). ဆေးဓါတ်မတည့်ခြင်း (allergic reaction) ဖြစ်ရင်တော့ နီးစပ်ရာ ဆေးရုံကို အမြန်သွားသင့်ပါတယ်. ❗️

ကပ်ရောဂါကြီး နိဂုံးချုပ်ပြီး ပုံမှန် အနေအထားပြန်ရောက်ဖို့ မြန်မာနိုင်ငံကို ‘ဆေး’ အမြန်ဆုံးရောက်ရှိအောင်ဆုတောင်းနေပါတယ် ခင်ဗျာ … 🙏🙏🙏

Dr. ကျော်ဇောဟိန်း, MD, PhD