မင်းမြတ်မောင်/#ဧရာ၀တီတိုင်းမ်
(ပုသိမ်)ဒီဇင်ဘာ ၂၀ ရက်။
ဧရာဝတီတိုင်းဒေသကြီး၊ ပုသိမ်မြို့နယ်၊ ငွေဆောင်မြို့ကမ်းခြေတွင် ဒီဇင်ဘာလ ၁၉ ရက်နေ့ ညနေပိုင်းက ပုသိမ်မြို့မှ လာရောက်ရေကူးသည့် ချစ်သူစုံတွဲ ရေနစ်သေဆုံးခဲ့ကြောင်း ဒေသခံများထံက သိရသည်။
ရေနစ်သေဆုံးခဲ့သည့် ချစ်သူစုံတွဲသည် ငွေဆောင်မြို့အဝင် စစ်ဆေးရေးဂိတ်တွင် ကားရပ်မပေးပဲ မြို့ထဲမောင်းဝင်းသွားခြင်းြဖစ်ပြီး ညနေပိုင်းတွင် ရေနစ်သည်ကိုသိရသဖြင့် ရေငုပ်တတ်သူများ၊ ဒေသခံများနှင့် ပူးပေါင်းရှာဖွေခဲ့ရကြောင်း ငွေဆောင်မြို့အုပ်ချုပ်ရေးမှုးရုံးမှ သိရသည်။
“ကျွန်တော်တို့ စစ်ဆေးရေးလုပ်နေချိန် နေ့လည်ပိုင်းလောက်က ဝင်သွားတာ တားလိုက်သေးတယ်။ အတင်းမောင်းဝင်သွားတာပါ၊ ညနေပိုင်း ရောက်တော့ ရေနစ်တာကြားတော့ ရေငုပ်တက်တဲ့ ဒေသခံတွေနဲ့ရှာတော့ ကောင်မလေးအလောင်းကို အရင်ပြန်တွေ့ပါတယ်။ မနက်ပိုင်းမှ ကောင်လေးအလောင်းကို ပြန်တွေ့တာပါ”ဟု ငွေဆောင်မြို့အုပ်ချုပ်ရေးမှုး ဦးဝင်းကျော်က ပြောသည်။
ရေနစ်သေဆုံးခဲ့သည့် စုံတွဲကို တာဝန်ရှိသူများမှ ချက်ခြင်းလိုက်လံ ရှာဖွေခဲ့သော်လည်း ညနေ ၆ နာရီ ဝန်းကျင်မှ မိန်းကလေးအလောင်းကို အရင်ရှာတွေခဲ့ပြီး ဒီနေ့ မနက်ပိုင်းတွင် သောင်ပြင်မှာ ယောကျၤားလေးအလောင်းကို ပြန်လည်ရှာဖွေနိုင်ခဲ့ခြင်း ဖြစ်ကြောင်းသိရသည်။
ငွေဆောင်ကမ်းခြေတွင် ရေနစ်သေဆုံးခဲ့သည့် ချစ်သူစုံတွဲသည် ပုသိမ်မြို့ ၊ အမှတ် (၅) ရပ်ကွက်နှင့် အမှတ် (၆)ရပ်ကွက်တွင်ေ နေထိုင်သူများဖြစ်ပြီး ၂ ဦးလုံးမှာ အသက် ၂၀ ကျော် ဝန်းကျင်ရှိလူငယ်များဖြစ်ကြောင်း ရဲမှတ်တမ်းများအရ သိရသည်။
ရေနစ်သေဆုံးမှုနှင့် ပတ်သက်ပြီး ငွေဆောင်နယ်မြေရဲစခန်းတွင် သေမှုသေခင်း ဖွင့်လှစ်စစ်ဆေးနေပြီး အလောင်းကိုတော့ ပုသိမ်မြို့တွင် ပြန်လည်သဂြိုလ်မည်ဖြစ်ကြောင်း သိရသည်။
ဓါတ်ပုံ – ကိုချစ်ဦး
#ငွေဆောင် #ရေနစ်သေဆုံးမှု
