အကောင်းဆုံးနှုတ်ဆက်ခြင်း
အသက်နှစ်(၃၀)ခန့်ရှိတဲ့နွားအဖိုးကြီးကိုကျောင်းလာအပ်ထားတာတစ်လလောက်ရှိပါပြီ။
သူ့နာမည်ကမောင်လပြည့်တဲ့
ပိုင်ရှင်အဖွားကသူ့သားကြီးကိုလွမ်းလို့လာကြည့်ရင်းအမိန့်ပြန်နေတာဝမ်းနည်းစရာကောင်းသလိုနည်းယူမှတ်သားစရာလည်းဖြစ်ပါတယ်။
“ငါ့သားကြီးလပြည့်ရေဆရာတော်ထံမှာတရားသံတွေနဲ့နေဝင်ချိန်ကိုအကောင်းဆုံးအေးအေးချမ်းချမ်းဖြတ်ကျော်ပါနော်
အမေတို့ကငါ့သားအပေါ်မှာအကြွေးများကျန်သေးရင်ကျေပြီလို့မှတ်လိုက်ပါသားရေအကောင်းဆုံးဘဝတွေကိုလွတ်လပ်စွာရွေးခြယ်ဖို့ဆရာတော်ဆီကတရားတွေနာပါ
သားရေအမေလည်းအသက်၈၀ဆိုတော့ငါ့သားဆီနောက်တစ်ခေါက်လာနိုင်ဖို့မလွယ်တော့လိုနှုတ်ဆက်ခဲ့ပါတယ်သားရေ”တဲ့
အသက်ရှစ်ဆယ်အဖွားရဲ့စေ့စပ်သေချာလှတဲ့လုပ်ရပ်ကအတုယူစရာပါ
ဒီတခါဘေးမဲ့လာပို့တိုင်းဒီနည်းနဲ့အမိန့်ပြန်ခဲ့ခိုင်းဖို့ဆုံးဖြတ်လိုက်ပါတယ်လိုအပ်တယ်လို့လည်းထင်ပါတယ်။
အကြွေးဟူသမျှကင်းပကြပါစေ။
(အာရုဏ်နိမိတ်ကောင်းတွေကြားမှာနိဂုံးချုပ်ခွင့်ရစေချင်လို့ပို့ထားခြင်းဖြစ်ပါသည်)
မေတ္တာဝါဒီပရဟိတ
အကြွေးတွေရှိရင်ဒီတဘဝအပီးဆပ်နိုင်ကြပါစေ